المحلة الوفدية : شعب مصر شعب زى العسل
شعب
زي العسل...الإسكندر المقدوني دخل المعابد الفرعونية وسجد لألهة الفراعنة
الناس صقفتله....نابليون لبس عمة وجلابية وحضر المولد النبوي الناس
صقفتله...محمد علي قال للثوار أنا معاكوا شالوا المماليك عشان يجيبوه قبل
ما يدبح فيهم...عبد الناصر قال بإسم الأمة الناس نزلتله الشارع بعد النكسة
تقوله ما تسيبناش..السادات يحكي حكايات الناس تقعد تسمعله ومش مهم الخراب
الإقتصادي...المخلوع يقول الكفن ملوش جيوب الناس
تفضل مصدقاه 30 سنة وفي وسط الثورة يطلع يقول عاوز اموت هنا ناس كتير تسيب
الميدان ولولا فضل ربنا بغباء اللي حواليه في نزول البلطجية الناس رجعت
تاني...المجلس العسكري يطلع بيان يقول متفهم مطالب الشعب الناس تصقف وتنسي
المدرعات اللي نزلت تودي ذخيرة للشرطة...الفنجري يدي تحية للشهداء الناس
تصقف...عصام شرف ينزل التحرير وياكل مع البدو ويلبس الست الغلبانة الشبشب
الناس تفرح...ولسه المسلسل ده ما خلصش....شعب زي العسل
عادل شاهين المدون والناشط السياسي بحزب الوفد
01278036680
ليست هناك تعليقات:
إرسال تعليق